पुणे : जागतिक महिला दिनानिमित्त नगरसेवक आणि पुणे शहर भाजपा युवा मोर्चाचे अध्यक्ष दीपक पोटे यांनी महिलांसाठी सदैव कार्यरत असणाऱ्या महर्षी कर्वे स्त्री शिक्षण संस्थेच्या महिलाश्रम हायस्कूलमधील ऐश्वर्या सुकुमार कल्याणी आणि प्रणिता संपत खेडेकर या दोन मुलींची संपूर्ण शैक्षणिक जबाबदारी उचलली आहे.
शाळेला भेट देऊन त्यांनी या मुलींच्या शिक्षणाच्या खर्चासाठीच्या रकमेचा धनादेश शाळेकडे सुपूर्द केला. या वेळी हायस्कूलच्या मुख्याध्यापिका मधुमालती वेदपाठक, उपमुख्याध्यापिका उषा मेहेंदळे आणि सहकारी उपस्थित होते. नुसते बोलण्यापेक्षा प्रत्यक्ष कृती करून पोटे यांनी सर्वांसमोर आदर्श निर्माण केला आहे.
